Hadyani topshirish marosimi. ITSM matbuot markazi fotosurati
Kembrijdagi Islom tadqiqotlari markazi Toshkentdagi Islom sivilizatsiyasi markazi muzeyiga Sharqiy Turkistonda ishlab chiqilgan ikki yuz yillik Ho‘tan gilamini sovg‘a qildi. Bu haqda ITSM matbuot xizmati xabar berdi.
Ilgari Buyuk Britaniyadagi Islom tadqiqotlari markazi muzeyida saqlanayotgan mazkur gilam «Buyuk o‘tmish merosi – ma’rifatli kelajak asosi» xalqaro ekspertlar forumi doirasida ITSM muzeyiga topshirildi.
Eksponat Britaniya muzeyi tomonidan 2025 yil fevral oyida eng qadimgi auksion uylaridan biri bo‘lgan Champions orqali sotib olingan. Gilamda «Vogel» —uslubiylashtirilgan gulli vaza tasviri bor. U bahor, yangilanish va hayot ramzi sifatida talqin etiladi. Atrofidagi gullar esa ayollik, nafosat va serhosillik timsoli hisoblanadi.
Sharqiy Turkistonda asrlar davomida to‘qilgan Xo‘tan gilamlari o‘zining yuksak mahorati va boy ramziyligi bilan qadrlanadi, ularda Baqtriya, Eron, Xitoy va Hind madaniyatlari uyg‘unligi ko‘zga yaqqol tashlanadi, deydi Islom tadqiqotlari markazi direktori Firuza Melvill.
ℹ️ «Buyuk o‘tmish merosi – ma’rifatli kelajak poydevori» mavzuidagi forum Shavkat Mirziyoyev taklifi bilan tashkil etildi. Tadbirda 20 dan ortiq davlatdan 200 dan ortiq olim va ekspertlar ishtirok etdi. TURKSOY, ISESCO, IRSICA, Al-Furqan kabi milliy va xalqaro ilmiy tashkilotlarning vakillari ekspert sifatida ishtirok etdi.
ℹ️ Islom sivilizatsiyasi markazi Xasti-Imom majmuasi yonida qurilmoqda. Inshoot qadimgi me’moriy obidalar shaklida bunyod etilmoqda. Majmuaning to‘rt tomonida balandligi 34 metrli peshtoqlar, o‘rtada 65 metrli gumbaz qurilgan. Markazning eng asosiy qismida Qur’oni karim zali bunyod etilmoqda. Bu yerda 460 o‘rinli anjumanlar zali ham qurib bitkazildi. ITSM O‘zbekiston xalqaro islomshunoslik akademiyasi va dunyoning ixtisoslashtirilgan ilmiy-ta’lim markazlari bilan hamkorlikda ajdodlar merosini o‘rganish, idrok etish borasida ma’rifiy maskanga aylanishi ko‘zda tutilgan.
