Pol Komolafe. TFF matbuot xizmati fotosurati
Tojikiston Premьer-ligasining amaldagi chempioni «Istiqlol» o‘tgan mavsumning eng yaxshi to‘purari Pol Komolafe bilan shartnomani uzaytirmadi. Bu haqda jamoa matbuot xizmati ma'lum qildi.
«Istiqlol» FK hujumchi Pol Komolafe bilan muddati tugagan mehnat shartnomasini uzaytirmaslikka qaror qildi. Shunday qilib, u erkin agentga aylandi va faoliyatini boshqa joyda davom ettiradi. «Istiqlol» klubi ma'muriyati Pol Komolafega minnatdorchilik bildiradi va unga kelajakdagi faoliyatida muvaffaqiyatlar tilaydi», — deyiladi xabarda.
O‘tgan mavsumda futbolchi yozda o‘zi qo‘shilgan «Xo‘jand» va «Istiqlol» jamoalari uchun ligada 12 ta gol urdi. Shuningdek, u OFK Chempionlar ligasi 2-turining oltita o‘yinida «poytaxtliklar» uchun yana ikkita gol urdi.
Nigeriyalik futbolchining o‘rniga «Istiqlol» yana bir xorijiy hujumchi – «Vaxsh»dan ukrainalik Dmitriy Bilonog bilan shartnoma tuzdi.
Avvalroq, «Istiqlol»ni o‘tgan mavsumda o‘ynagan deyarli barcha xorijlik futbolchilar, jumladan, eronlik Reza Dehg‘ani va Siyavush Haqnazari, albaniyalik Rudolьf Turkay, serbiyalik Nikola Stoshich va o‘zbekistonlik Marlen Chobanov tark etgandi. Serbiyalik darvozabon Stefan Kupich bilan shartnoma imzolash haqida mish-mishlar tarqalmoqda.
Hozirda klubning legionerlar ro‘yxatida faqat Bilonog va rossiyalik himoyachi Kirill Suslov bor, ammo Suslov mashg‘ulotlarda ko‘rinmadi va jamoada qolishieehtimoldan yiroq.
«Farg‘ona» nashri ma'lumotiga ko‘ra, Vitaliy Levchenko «Istiqlol»ning yangi bosh murabbiyi etib tayinlangan. Tez orada bu haqda rasman e'lon qilinadi va murabbiy shaxsan tarkibni shakllantira boshlaydi.
Tojikiston chempionatining kelgusi mavsumida klublarga yetti nafar xorijlik futbolchini ro‘yxatdan o‘tkazishga ruxsat berilgan, ammo bir vaqtning o‘zida maydonda besh nafardan ortiq xorijlik futbolchi bo‘lishi mumkin emas.
