Toshkent va Samarqand o‘rtasida 282 kilometrlik yangi avtomagistral qurish loyihasi 91 ta ko‘prik, 12 ta o‘tish joyi va 16 ta yo‘l o‘tkazgichni o‘z ichiga oladi. Prezident Shavkat Mirziyoyev transport infratuzilmasini modernizatsiya qilishga qaratilgan yirik loyihalar doirasida olib borilayotgan ishlar yuzasidan taqdimot bilan tanishdi, deb xabar beradi davlat rahbari matbuot xizmati.
Mutasaddilarning so‘zlariga ko‘ra, mamlakatning ikki yirik shahrini bog‘laydigan avtomagistralning ayrim qismlarida tuproqni mustahkamlash ishlari olib boriladi. Loyihachilarning so‘zlariga ko‘ra, har biri 3,75 metr kenglikdagi sement-beton qoplamali oltita harakat tasmasi barpo etiladi. Yo‘lning loyihaviy tezligi soatiga 150 kilometr etib belgilanadi.
Besh yil davomida qurilishi rejalashtirilayotgan mazkur yo‘l Ia toifali, ya'ni avtomobilь yo‘llarining eng yuqori texnik va xavfsizlik standartlariga javob beradigan magistral bo‘ladi.
Taqdimotda, shuningdek, Toshkent – Chorvoq va Urganch – Xiva yo‘llarini qurish loyihalarining borishi haqida ham ma'lumot berildi.
Bundan tashqari, Toshkent – Angren – Qamchiq dovoni yo‘nalishida 171 kilometrlik muqobil avtomobil yo‘li barpo etish loyihasi ham amalga oshiriladi. Ushbu yo‘lda 33 kilometrlik tonnellar hamda bir qator yirik muhandislik inshootlarining qurilishi rejalashtirilgan.
Krome togo, rukovoditelyu respubliki prezentovali proyekt stroitelьstva 171-kilometrovoy alьternativnoy avtodorogi po marshrutu Tashkent — Angren — Kamchikskiy pereval. V ramkax dannoy initsiativы predusmatrivayetsya vozvedeniye 33 km tonneley i ryada drugix injenernыx soorujeniy.
Davlat rahbariga mazkur yirik loyihalar uchun ishlab chiqilayotgan moliyalashtirish manbalari va xorijiy investorlarni jalb qilish bo‘yicha olib borilayotgan muzokaralar haqida axborot berildi.
Mirziyoyev avtomagistrallarni loyihalashda zamonaviy transport muhandisligi yechimlaridan foydalanish, intellektual boshqaruv va monitoring tizimlarini joriy etish, harakat xavfsizligini ta'minlash masalalariga alohida e'tibor qaratish lozimligi ta'kidladi.
Shuningdek, davlat rahbariga yangi Toshkent xalqaro aeroporti qurilishi haqida ham ma'lumot berildi. Birinchi bosqichda 208,4 ming kvadrat metrlik yo‘lovchi terminali, uzunligi 4 kilometrdan bo‘lgan ikkita uchish-qo‘nish yo‘lagini barpo etish rejalashtirilgan. Shu bilan birga, yiliga 20 million nafar yo‘lovchiga xizmat ko‘rsatish, soatiga 30 ta qo‘nish va uchishni ta'minlaydigan infratuzilmani yaratish hamda 169 ta havo kemasi uchun avtoturargoh tashkil etish ko‘zda tutilgan.
Prezidentga bo‘lajak poytaxt aeroporti hududida amalga oshirilayotgan loyihalash va tadqiqot ishlari va kelgusi bosqichlar to‘g‘risida axborot berildi.
Tegishli vazirliklar va idoralar vakillarining hisobotlarini tinglagandan so‘ng, Mirziyoyev mutasaddilarga loyihalarni texnik va iqtisodiy jihatdan puxta tayyorlash, qurilish ishlarini zamonaviy standartlar asosida tashkil etish hamda transport infratuzilmasining uzoq muddat barqaror ishlashini ta'minlash bo‘yicha topshiriqlar berdi.
