O‘zbekiston mushuklari xalqaro darajaga chiqdi

11-12 oktyabr kunlari ilk bor Toshkentda WCF Cat Show 2025 xalqaro mushuklar ko‘rgazmasi bo‘lib o‘tdi.

WCF Cat Show 2025 mushuklar ko‘rgazmasida. Andrey Kudryashov fotosurati /«Farg‘ona»

High Town Mall savdo markazida bo‘lib o‘tgan ko‘rgazmada O‘zbekiston, Rossiya, Qozog‘iston va boshqa mamlakatlarning turli shaharlaridan 100 dan ortiq naslli mushuklar namoyish etildi. Xalqaro ekspertlar WCF shou ofisining vakolatli supervayzeri Piter Tot homiyligida beshta professional nominatsiya bo‘yicha tanlovni baholadilar.

ℹ️ WCF – World Cat Ffederation — Butunjahon mushuklar federatsiyasi hisoblanadi. Bu mushuk sevuvchilar va seleksionerlar klublarining global uyushmasi. U butun dunyo bo‘ylab 280 ta uyushmani o‘z ichiga oladi. Hozirgi prezident — Germaniyaning Essen shahridan Anneliza Xakman. WCFning asosiy vazifalari turli xil mushuk zotlarini standartlashtirish, ularni xalqaro ro‘yxatga olish, xalqaro hakamlarni tayyorlash va malakasini oshirish hamda turli mamlakatlardagi klublar o‘rtasidagi aloqalarni rivojlantirishdan iborat. Yaqinda o‘zbek mushuk sevuvchilarining Mushugim klubi WCFga a’zo bo‘ldi.

WCF Cat Show 2025 mushuklar ko‘rgazmasida. Andrey Kudryashov fotosurati /«Farg‘ona»

2016 yildan buyon Toshkentda turli xil mushuklar ko‘rgazmalari o‘tkazib kelinadi. Bu aralash tadbirlar bo‘lib, ishqibozlar va jamoatchilik e’tiborini maksimal darajada jalb qilish uchun sertifikatlangan seleksionerlar va havaskorlarni birlashtirgan. Xalqaro ekspertlarning ishtiroki ularning kasbiy mahoratini oshirdi va yakunda Toshkentda rasmiy WCF Cat Show 2025 ko‘rgazmasini o‘tkazish imkonini berdi, bu esa, aytish mumkinki, o‘zbek mushuklari va ularning egalarini xalqaro maydonga olib chiqdi.

Tadbir nafaqat o‘zining ajoyib va samimiy muhitini saqlab qoldi, balki ham ma’rifiy tus oldi. Oldingi ko‘rgazmalarda tashrif buyuruvchilar faqat jonivorlar egalari va seleksionerlar bilan to‘g‘ridan to‘g‘ri muloqot qilishlari mumkin edi, hakamlar esa yopiq eshiklar ortida ishlaganlar, bu esa jamoatchilik, jumladan jurnalistlarning ishtirok etishiga to‘sqinlik qilgan.

Bu yilgi ko‘rgazmada WCF ekspertlari Oksana Knyazeva (Qozog‘iston) va Tatyana Chernova (Latviya) ommaviy ringda hakamlik qilishdi va tomoshabinlarga barcha besh toifadagi har bir alohida mushukga qo‘yiladigan barcha talablar, mezonlar va baholashlarni sodda tarzda tushuntirib berdilar. Ba’zan ular o‘zlarining his-tuyg‘ulari, shubhalari va tanlov qiyinchiliklari bilan o‘rtoqlashdilar. Mutaxassislarni diqqat bilan tinglashga tayyor bo‘lganlar har WCFning bir zot va yosh toifasi uchun belgilagan standartlari haqida ko‘p narsalarni bilib olish imkoniga ega bo‘lishdi.

Ko‘rgazma bilan bir qatorda, ko‘ngillilar tashrif buyuruvchilarga boshpanadagi qarovsiz mushuklarning yangi egalarini topishga ko‘maklashishga taklif qilishdi. Mushuklari bor, lekin ta’tilda yoki xizmat safarlarida uy hayvonlarini qayerga va kimga qoldirishni bilmayotganlar uchun Toshkentdagi Happy Mur mushuklar mehmonxonasi faoliyati bilan tanishish qiziqarli va foydali bo‘ldi.

WCF Cat Show 2025 ko‘rgazmasining bosh homiysi uy hayvonlari uchun oziq-ovqat mahsulotlarini ishlab chiqaruvchi yetakchi Purina® Pro Plan kompaniyasi bo‘ldi.