Aleksandr Merkel. «Jenis» FK matbuot xizmati fotosurati
Ostonaning «Jenis» futbol klubi Qozog‘iston terma jamoasining sobiq o‘yinchisi Aleksandr Merkel bilan shartnoma imzoladi. Bu haqda klub matbuot xizmati Instagramda (RFda ekstremistik deb tan olingan va taqiqlangan Meta korporatsiyasiga tegishli tarmoq) ma'lum qildi.
«Aleksandr Merkel 2015 yildan beri Qozog‘iston terma jamoasida o‘ynab, xalqaro musobaqalarda o‘z mamlakatini himoya qilib keladi. Uning maydon haqidagi tasavvuri, jismoniy kuchi va standart zarbalarni bajarishdagi ajoyib mahorati, shubhasiz, «Jenis»ning o‘yin uslubiga yangi turtki beradi», — deyiladi xabarda.
33 yoshli yarim himoyachi klubda legioner sifatida ro‘yxatdan o‘tkaziladi, chunki Liganing yangi qoidalariga ko‘ra, faqat milliy jamoada o‘ynash huquqiga ega bo‘lgan o‘yinchilargina mahalliy o‘yinchilar hisoblanadi. Aleksandr hozirda Germaniya fuqaroligidan voz kechmagani uchun huquqqa ega emas va Qozog‘iston qonunlari fuqarolarga ikkinchi pasportga ega bo‘lishni taqiqlaydi.
Ilgari, xuddi shu sababga ko‘ra, Qozog‘iston milliy xokkey jamoasi bir qator fuqarolikka qabul qilingan o‘yinchilarini, jumladan, Kanada, Shvetsiya va Rossiyadan kelgan o‘yinchilarni yo‘qotgan edi. Bundan tashqari, ayrim qozog‘istonlik xokkeychilar Rossiya pasportini saqlab qolishni ma'qul qo‘rishgan.
Aleksandr Merkel – Olmaotada tug‘ilgan, Germaniyaning «Shtutgart» va Italiyaning «Milan» akademiyasida tarbiya topgan. U «Milan» bilan Italiya chempionligini qo‘lga kiritgan. U Italiyaning «Udineze» va «Piza», Angliyaning «Uotford», Shveytsariyaning «Grassхopper», Germaniyaning «Boxum» va Avstriyaning «Admira» klublarida o‘ynagan. 2018 yildan 2020 yilgacha u Niderlandiyaning «Xerakles» jamoasida o‘ynagan. Keyinchalik u Turkiya, Saudiya Arabistoni, Eron va BAA klublarida o‘ynagan. Merkel Germaniyaning turli yoshdagi yoshlar terma jamoalarida o‘ynagan. 2015 yili u Qozog‘iston terma jamoasida o‘ynashga qaror qiladi va u yerda uchta o‘yin o‘tkazadi. U oxirgi marta milliy terma jamoa formasini 2019 yilda kiygan edi.
