Yaqinda bo'lib o'tgan keng ko'lamli EFES-2026 o'quv mashqlaridan so'ng Turkiya rasmiylarining bayonotlari Anqara va Toshkent o'rtasidagi harbiy muloqot, jumladan, O'zbekiston prezidenti Shavkat Mirziyoyev va Turkiya Qurolli Kuchlari Bosh shtabi boshlig'i Metin Gurak o'rtasida aprelь oyi bo'lib o'tgan uchrashuv mazmuniga aniqlik kiritdi. Turkiyaning Sabah gazetasiga ko'ra, Turkiya Milliy mudofaa vaziri Yashar Guler Anqara qurolli kuchlarni isloh qilishda yordam berish uchun O'zbekistonga harbiy maslahat guruhini yuborganini aytdi.
Gulerning so'zlariga ko'ra, «do'st va qardosh davlatlar» Turkiya andozasida harbiy tuzilmalar yaratishdan manfaatdor va O'zbekiston ham shu davlatlardan biri hisoblanadi. Uning ta'kidlashicha, ilgari Ozarbayjonda bo'lgani kabi, O'zbekistonga bir guruh harbiy maslahatchilar yuborilgan.
Bu bayonotlar 2026 yil 23 aprelda Toshkentda bo'lib o'tgan muzokaralar mazmuniga aniqlik kiritadi, bu haqda ilgari tafsilotlarsiz xabar berilgan edi. Gurakning tashrifi, aftidan, ilgari tuzilgan harbiy hamkorlik shartnomalarini amalga oshirish bilan bog'liq bo'lgan. 2026 yil yanvarь oyida O'zbekiston va Turkiya mudofaa vazirlari qo'shma o'quv mashqlari, shaxsiy tarkibni tayyorlash va harbiy tibbiy hamkorlikni rivojlantirishni o'z ichiga olgan hamkorlik rejasini imzolagandilar.
Turkiya O'zbekistonda joriy etayotgan model allaqachon Ozarbayjonda sinovdan o'tgan, u yerda 2021 yili Shusha deklaratsiyasi imzolangandan so'ng harbiy hamkorlik tizimli tus olgandi. Ushbu hujjat harbiy integratsiya elementlari va o'zaro qo'llab-quvvatlash majburiyatlarini o'z ichiga olgan ittifoqchilik munosabatlarini mustahkamlaydi. Ushbu hamkorlik doirasida Boku o'z armiyasini Turkiya standartlariga muvofiq modernizatsiya qildi, qo'shma mashqlar sonini ko'paytirdi va mudofaa sanoatida, jumladan, Bayraktar dronlaridan foydalanishda yaqin hamkorlikni o'rnatdi.
Ushbu modelning O'zbekistonda qo'llanishi Anqaraning Markaziy Osiyoda o'z ta'sirini kuchaytirish va o'zini turkiy dunyoda harbiy texnologiyalar, tashkiliy yechimlar va standartlarning asosiy eksportchisi sifatida namoyon etish istagini ko'rsatadi.
