kaztag.kz sayti fotosurati
Qozog'istonning G'arbiy Qozog'iston viloyati aholisi Rossiya chegarasidagi «Sirim» nazorat-o'tkazish punkti yaqinida noma'lum dronlar paydo bo'lganini xabar qilishgan, deb xabar beradi «Uralskaya nedelya» nashri.
Nashrning xabar berishicha, mahalliy aholi dronlarni ketma-ket ikki kecha kuzatgan. Guvohlarning ta'kidlashicha, apparatlar Samara viloyatidan uchib o'tgan va osmonda bir vaqtning o'zida o'nga yaqin obektni ko'rish mumkin bo'lgan.
Odamlarlan biri noma'lum dronlar nazorat-o'tkazish punkti va zastava ustidan uchib o'tganini xabar qilgan. U shuningdek, bu holat bir necha kundan beri kuzatilayotganini aytgan.
Ijtimoiy tarmoqlardagi postlardan so'ng, Qozog'iston Mudofaa vazirligi vaziyatga izoh berdi. Vazirlik respublika havo hududining buzilgani qayd etilmaganini ma'lum qiladi.
«Qozog'iston Respublikasi havo hududining buzilishi qayd etilmagan. Vaziyat tegishli xizmatlar nazorati ostida», — deb xabar beradi Qozog'iston Mudofaa vazirligi.
Biroq, aniqlangan ob'ektlar aslida dronlar ekani yoki ular Qozog'iston havo hududini buzganligi haqida rasmiy tasdiq yo'q. Fuqarolardan yolg'on ma'lumot tarqatmaslik so'ralgan.
Shu bilan birga, Qozog'istonda dronlar halokatlari muntazam ravishda qayd etilmoqda. Masalan, 2026 yil 26 mart kuni G'arbiy Qozog'iston viloyatida uchuvchisiz uchish apparati topilgan. 29 mart kuni Atirau viloyatida ham dron parchalari topilgan. Shuni ta'kidlash joiz, bu mintaqada yuz bergan birinchi voqea emas. «Uralskaya nedelya» nashriyoti birgina G'arbiy Qozog'iston viloyatida aniqlangan dronlarning soni allaqachon o'ndan oshganini xabar qiladi. 29 aprel kuni dron qishloq yo'li yaqinida qulagan va e'lon qilingan videoda halokat joyida taxminan 150-200 metrga yaqin yer shudgor qilingani va tutun ko'zga tashlanadi.
