Qosim-Jomart To‘qayev va Vladimir Putin
Rossiya neftni qayta ishlash zavodlarining yopilishi va rejadan tashqari texnik xizmat ko‘rsatish natijasida yuzaga kelgan ichki yoqilg‘i tanqisligini yumshatish uchun Qozog‘istondan taxminan 50 000 tonna AI-92 benzinini yetkazib berishni so‘radi, deb xabar berdi Reuters agentligi Reuters sohadagi to‘rtta manbasiga tayanib (Reuters, 2026 yil 24 iyun). Agentlik ma’lumotlariga ko‘ra, Rossiyada benzin ishlab chiqarish o‘tgan yilgi ko‘rsatkichlarga nisbatan taxminan chorak qismga kamaygan, bu esa Moskvani qo‘shnilaridan qo‘shimcha yoqilg‘i izlashga majbur qilmoqda.
Qozog‘iston tomoni hozircha rasman muzokaralar bo‘lganini inkor etmoqda. Mamlakat Energetika vaziri Yerlan Akkenjenov Ostona Moskvadan yoqilg‘i yetkazib berish bo‘yicha rasmiy so‘rov olmaganini ma’lum qildi (Investing.com, 2026 yil 23 iyun).
Bu bunday mazmundagi birinchi murojaat emas. Reuters agentligi 2024 yil aprel oyida Rossiya Qozog‘istondan neftni qayta ishlash zavodlariga ukrain dronlari hujumlari oqibatida yuzaga kelishi mumkin bo‘lgan tanqislik holati uchun 100 ming tonna benzindan iborat favqulodda zaxira tayyorlab qo‘yishni so‘ragani haqida xabar bergan edi. O‘shanda manbalardan biri tomonlar o‘rtasida amalda kelishuvga erishilganini ta’kidlagan.
