Germaniya Afg‘oniston fuqarolari orasida jinoyat sodir etgan va sudlangan shaxslarni deportatsiya qilishni sezilarli darajada ko‘paytirish niyatida. Bu borada u to‘g‘ridan to‘g‘ri toliblar hukumati bilan kelishuvga erishgan. Germaniyaning Bild am Sonntag nashri o‘z manbalariga tayanib xabar berishicha, Germaniya Federal ichki ishlar vazirligi va Kobul ma’muriyati vakillari «texnik ishchi darajada» maxfiy muzokaralar o‘tkazgan. Ularning yakunlariga ko‘ra, Afg‘oniston poytaxtiga amalga oshiriladigan charter reyslari soni oshirilishi mumkin.
Nashrning xabar berishicha, kelajakda oyiga uchtagacha charter reyslari rejalashtirilgan, 2026 yilda Germaniya Kobulga atigi uchta deportatsiya reyslarini amalga oshirgan: fevral oyida (20 afg‘on), aprel oyida (deportatsiya qilinishi kerak bo‘lgan 25 kishi) va iyun oyida, Leypsig/Xalle aeroportidan charter reys bilan 32 mahkum, jumladan, qotillik va zo‘rlashda ayblanganlar deportatsiya qilinganida. Parvozlar chastotasini deyarli haftasiga oshirish orqali Ichki ishlar vazirligi doimiy «deportatsiya havo ko‘prigi«ni yaratishga umid qilmoqda.
Bu Germaniya qamoqxonalarida jazoni o‘tayotgan o‘ta xavfli jinoyatchilar, jumladan, zo‘ravonlar, giyohvand moddalar sotuvchilari va milliy xavfsizlikka tahdid soladigan shaxslarga taalluqlidir. Federal shtatlar ushbu mahbuslarni deportatsiya qilish haqida xabardor qilish uchun javobgardir, shundan so‘ng federal politsiya deportatsiyani amalga oshiradi. Bild nashrining xabar berishicha, hozirda kamida 100 nafar jinoyatchi oddiy qamoqxonalarda yoki deportatsiya markazlarida deportatsiyaga tayyor holda saqlanmoqda, individual deportatsiyalar istalgan vaqtda muntazam reyslar orqali amalga oshirilishi mumkin.
Germaniya Ichki ishlar vaziri Aleksandr Dobrindt (XSS) Bild nashriga bergan intervyusida jinoyatchilarni Afg‘onistonga deportatsiya qilish «muntazam va ishonchli» amalga oshirilishini aytgan. Uning ta’kidlashicha, Germaniyada taqdim etilgan himoyani suiiste’mol qilgan va u yerda jiddiy jinoyatlar sodir etganlar «o‘z mamlakatlarida imkoniyatlar izlashlari kerak» va Germaniya jamiyati bu jinoyatchilarning mamlakatni tark etishidan qonuniy manfaatdordir.
