O‘zbekiston SSV huzuridagi Sanitariya-epidemiologik osoyishtalik va jamoat salomatligi qo‘mitasi matbuot xizmati fotosurati
Joriy yil boshidan buyon O‘zbekiston bo‘ylab 300 ta dehqon bozorida o‘tkazilgan reydlar davomida 130 tonnadan ortiq sifatsiz oziq-ovqat mahsulotlari va uyda tayyorlangan taomlar olib qo‘yildi. Yaroqlilik muddati o‘tgan va organoleptik ko‘rsatkichlari standartlarga javob bermaydigan mahsulotlar shular jumlasidandir, deb xabar beradi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi matbuot xizmati.
Qishloq xo‘jaligi mahsulotlarining standartlarga muvofiqligi, oziq-ovqatdan zaharlanishning oldini olish, fuqarolarning sanitariya-epidemiologik osoyishtaligini ta’minlash maqsadida bozor tekshiruvlari o‘tkazildi. Tadbirlarda qo‘mita xodimlari bilan birga huquq-tartibot idoralari, soliq inspeksiyasi, veterinariya xizmati vakillari ishtirok etdi.
Nostandart oziq-ovqat mahsulotlarini olib qo‘yish bilan bir qatorda 514 nafar jismoniy shaxsga nisbatan ma’muriy jarimalar qo‘llanilgan. Go‘sht, sut, qandolat va salatlarni rastalardan tashqarida, himoya kiyimsiz, tibbiy ko‘rikdan o‘tkazmasdan sotgan va boshqa sanitariya qoidalarini buzgan sotuvchilar va bozor egalariga nisbatan jazo choralari ko‘rilgan.
Bundan tashqari quyidagi kamchiliklar aniqlangan:
✔️ 111 ta bozorda go‘sht sotish uchun, yana 158 ta bozorda sut mahsulotlari uchun maxsus jihozlangan pavilonlar yetishmaydi;
✔️ 27 ta bozorda veterinariya-sanitariya laboratoriyalari yetishmaydi;
✔️ 80 ta bozorda jamoat hojatxonalari, yana 17 ta bozorda vaqtincha chiqindi yig‘ish joylari yo‘q;
✔️ 80 ta bozorda suv ta’minoti, 142 ta bozorda oqava suvlarni yig‘ish va zararsizlantirish tizimi yo‘q;
✔️ 77 ta dehqon bozorlarida dezinfeksiya, dezartizatsiya va dezinseksiya tadbirlarini o‘tkazish uchun vakolatli tashkilotlar bilan shartnomalar tuzilmagan.
Eslatib o‘tamiz, O‘zbekiston hukumati avvalroq yaroqlilik muddati o‘tgan oziq-ovqat mahsulotlariga chegirmalar joriy etish to‘g‘risidagi nizomni tasdiqlagan edi. Nizomga ko‘ra, yirik savdo markazlari va oziq-ovqat do‘konlarida ushbu mahsulotlar uchun alohida peshtaxtalar o‘rnatiladi. Ushbu mahsulotlarning narxi har 10 kunda pasaytiriladi.
